ប៉េកាំង៖ អាជ្ញាធរនៅទីក្រុង Baise ភាគនិរតីនៃប្រទេសចិន បានបញ្ជាឱ្យអ្នកស្រុកស្នាក់នៅក្នុងផ្ទះ ចាប់ពីថ្ងៃចន្ទនេះតទៅហើយជៀសវាងការធ្វើដំណើរដែលមិនចាំបាច់ ខណៈដែលពួកគេបានអនុវត្តវិធានការដើម្បីប្រយុទ្ធប្រឆាំងនឹងការកើនឡើងនៃការឆ្លងកូវីដ-១៩ ក្នុងតំបន់។
ការផ្ទុះឡើងនៅក្នុងទីក្រុង Baise ដែលមានប្រជាជនប្រហែល ៣,៦លាននាក់និងជាប់ព្រំដែនប្រទេសវៀតណាម បានរាយការណ៍ពីករណីឆ្លង កូវីដ-១៩ ក្នុងសហគមន៍ចំនួន៣៧ករណី សម្រាប់ថ្ងៃទី០៦ ខែកុម្ភៈ ខណៈតួលេខសម្រាប់១ថ្ងៃមុននោះ គឺតែ៦ករណីប៉ុណ្ណោះ។
ទូរទស្សន៍រដ្ឋបាននិយាយថា អ្នកនៅទីក្រុង Baise គួរតែស្នាក់នៅក្នុងផ្ទះ លើកលែងតែការធ្វើដំណើរដើម្បីទិញសម្ភារៈសំខាន់ៗ ឬការធ្វើតេស្តរក កូវីដ-១៩ ហើយគួរតែជ្រើសរើសការដឹកជញ្ជូនជាជាងការទិញក្នុងហាង។
គិតត្រឹមថ្ងៃទី៦ ខែកុម្ភៈ ប្រទេសចិនដីគោកមានករណីឆ្លងចំនួន ១០៦ ៤១៩នាក់ ដែលនេះរួមបញ្ជូលទាំងករណីឆ្លងក្នុងសហគមន៍ និងករណីនាំចូល៕
